Probleme tydens die aanleer van leesvaardighede kan tot swak begrip, ’n ongesonde selfbeeld en aggressie lei. Navorsing dui daarop dat leerders by wie leesprobleme betyds geïdentifiseer word, hul leesvaardighede drasties kan verbeter. Die vroeë identifisering van leesprobleme is in talle skole egter die uitsondering eerder as die reël. Die SBA het daarom besluit om laerskole by te staan met lees-vir-leerprojekte vir 10- tot 15-jariges – die Funda!-projek.
Suksesse
Die Funda!-projek betrek 300 laerskole, en by van die deelnemende skole het leerders se geletterdheids-vlakke met 40% tot 60% gestyg.
“Ek wil erkenning gee aan die SBA-leesprogram. Hierdie leerders het nou’n veel beter kans om iets met hul lewe te bereik.”– Martha Bekker, kringspanbestuurder van skole
