Lees is ’n lewenslange vaardigheid wat voorskools begin en deurgaans ontwikkel. Heelwat hoërskole doen egter nie meer leesontwikkeling op hoërskoolvlak nie. Dit is om dié rede dat die SBA verskeie hoërskole ondersteun om leerlinge met gevorderde lees-vaardighede te bemagtig. Dit stel hulle in staat om met insig te lees, verskillende standpunte krities te vergelyk en hul eie mening te vorm. Talle Xhosasprekende leerders wat Afrikaans as vak neem, trek ook voordeel uit die projek.
Suksesse
Daar is 50 hoërskole betrokke by dié projek.
“Omdat baie van ons leerders se hooftaal Xhosa is, het ons 'n probleem met leerders wat nie eens basiese Afrikaans magtig is nie. Daar is tans minder formele inter-vensieprogramme in plek; ons kan baat vind by enige addisionele hulp wat u organisasie ons kan bied.”
– Elmarié Bergh, Oval North Senior Sekondêre Skool, Mitchells Plain
