Afrikaans floreer in die buiteland.

11 Oktober 2017

Afrikaans floreer in die buiteland.

Wêreldwyd kan ongeveer 24 miljoen mense Afrikaans verstaan, byvoorbeeld in lande soos Nederland, België en Suriname, waarvan talle die taal ook magtig is. Derhalwe is daar deesdae al hoe meer geleenthede vir die taal en sy sprekers in die buiteland.

Afrikaans as vak in die buiteland
Afrikaans is een van die jongste tale in die wêreld, maar daar is wêreldwyd belangstelling in Afrikaans. Afrikaans kan onder meer in Nederland, België, Duitsland, Pole, Rusland en Amerika as universiteitsvak geneem word. Gaan kyk gerus hier vir ’n lys van onderwysinstellings buite Suid-Afrika waar Afrikaans deel uitmaak van die lesprogram – letterkunde, taalkunde, kultuurgeskiedenis en/of taalverwerwing.

Kitsfeite

  • Die Internasionale Vereniging vir Afrikaans (IVA) fokus op die onderrig van Afrikaanse taal- en letterkunde op akademiese vlak.
  • Afrikaanse skrywers kry blootstelling in die Lae Lande, onder meer by die Week van de Afrikaanse roman wat vanjaar vanaf 29 September tot 8 Oktober in Nederland en Vlaandere plaasgevind het.
  • Afrikaanse skrywers wat vanjaar aan die derde Week van de Afrikaanse roman deelgeneem het, is Amy Jephta, Andries Bezuidenhout, Ingrid Winterbach, Rudie van Rensburg, Suzie Matihola en Willem Anker.
  • Zuid-Afrikahuis in Amsterdam huisves ’n kultuur-, inligting- en navorsingsentrum vir mense met ’n belangstelling in Suid-Afrika en die Afrikaanse taal.
  • Deon Meyer se jongste boek, Die vrou in die blou mantel, is die eerste boek wat hy skryf op uitnodiging. In die geval was dit die Collective Propaganda van het Nederlandse Boek. Die boek sal eers in Nederlands en dan in Afrikaans verskyn.
  • Boere op die Aardsdrumpel is ’n dokumentêre film oor die afstammelinge van ’n groep Afrikaners wat na die Anglo Boere-oorlog (1899-1902) na Patagonië in Argentinië geëmigreer het.
  • Proff. Andries Coetzee, Nicholas Henriksen en Lorenzo Garcia-Amaya, navorsingsgenote aan die Universiteit van Michigan se Linguistiek Departement, was betrokke by die maak van bogenoemde rolprent. Volgens prof. Coetzee is dit “ongelooflik hoe perfek die Afrikaans van hierdie boere steeds is, behalwe ’n uitspraak wat hier en daar effe verander het. 

Lees ook:

Onderhoud met prof. Wannie Carstens op LitNet oor IVA.

Prof. Wannie Carstens skryf op Netwerk24 oor België wat Afrikaans ’n kans gee.

Kyk op IVA se webtuiste vir ’n lys van tydskrifte en digitale bronne

Afrikaanse skrywers se internasionale deurbrake. Lees hier

Naomi Meyer gesels op LitNET met Ingrid Glorie, die dryfkrag agter die Week van de Afrikaanse Roman.

Luister hoe praat die boere in Argentinië Afrikaans – uittreksel uit die film Boere op die Aardsdrumpel

Afrikaans sluit wêrelde oop – ook in Rusland

 

Lees ook ...

””
””
””