Oor ons

Verskeie organisasies en individue met ’n liefde en passie vir Afrikaans het saamgekom om Afrikaans in haar verskillende vorme te vier en te verken. Ons nooi jou saam op hierdie ontdekkingstog die wye Afrikaanse landskap in. Ons vra mede-avontuurlustiges om jul unieke Afrikaanse leefwêrelde met ons te deel en ons te verras met jul uitkyk op en ervaring van Afrikaans. Afrikaans se horisonne is wyd en haar karakter is so eiesoortig soos elke mens wie se wortels in hierdie kontinent geanker is. Laat weet ons hoe lyk jou Afrikaans!

Afrikaans.com en die Veldtog vir Afrikaans word deur Dagbreek Trust gefinansier.  

Veldtog vir Afrikaans

Afrikaans.com word ondersteun deur ’n opwindende bewusmakingsveldtog wat verkeer na die webtuiste aanmoedig, Afrikaans as handelsmerk vestig en bevorder en die taal op ‘n positiewe wyse uitbou.

Die veldtog word deur middel van buitelugborde, asook redaksionele en advertensieblootstelling op televisie en radio en in die drukmedia gedryf. Die kernboodskap van die advertensieveldtog is: Hoe lyk jóú Afrikaans? Die idee is om mense se belangstelling te prikkel en Afrikaanssprekendes, maar ook alle Suid-Afrikaners, te nooi om die webtuiste te besoek en deel te neem aan die kompetisie: Hoe lyk jou Afrikaans en WEN!

Afrikaans.com is webtuiste waar jy Afrikaans se sjarme, eiesoortigheid en kleurrykheid kan vier en verken in samewerking met en tot voordeel van die reeds bestaandeprojekteenorganisasies.

Klik hier ...

 

Projekte

Afrikaans.com muurkunsprojek: #Droomgroot.
Afrikaans is die taal van al sy sprekers. Tog het nie almal in alle gemeenskappe ewe veel toegang tot die viering van hul taal nie. By Afrikaans.com glo ons dat inspirasie tot aspirasie lei en my identiteit van wie ek is en hoe ek myself uitdruk, ’n trots en eiewaarde skep. Daarom het ons ook vanjaar baie spesifieke gemeenskapsprojekte waardeur ons veral skoolleerders deur visuele muurprojekte wil inspireer.

Klik hier ...

 

Beskermhere en -vroue

Afrikaans.com se beskermhere en -vroue is voorlopers op hul gebied en dien as aansporing en inspirasie ter viering van Afrikaans se eiesoortigheid, inklusiwiteit en nut.

Klik hier ...

 

Ambassadeurs

Ons Ambassadeurs is mense met ‘n hart vir Afrikaans. Hulle werk vir Afrikaans, neem eienaarskap op grondvlak en inspireer ander. Hulle suksesstories het een ding in gemeen: Afrikaans is die held. Elke Ambassadeur vir Afrikaans maak ‘n wesenlike bydrae tot Afrikaans en die Afrikaanse leefwêreld. Hier gee ons erkenning aan mense wat hul passie vir Afrikaans lééf!

Klik hier ...

 

Kontak ons

Hier sien jy die taal getooi in al sy diepte, eenvoud, grootsheid en nederigheid. Afrikaans.com is die plek vir die Afrikaanse taalfamilie – hetsy naby, ver langs of terloops … Dit is 'n avontuurtog die toekoms in. Vind hier ons kontakvorm vir saamgesels en vrae. Tree toe en neem deel!

Klik hier ...