#droomgroot17

Maak jou droom waar met die #droomgroot17-kompetisie

Wou jy nog altyd graag op die verhoog wees, droom jy dalk van jou eerste CD, of sien jy al hoe staan jy met jou eie digbundel of boek in jou hand? Nou is jou kans om so ’n stappie nader aan jou droom te kom.

#droomgroot17

Vanaf 1 Julie tot 30 September het graad 8 – 12-leerders die geleentheid om op sosiale media aan Afrikaans.com se #droomgroot17-talentkompetisie deel te neem. Hoërskoolleerders kan met die hutsmerk #droomgroot17 op sosiale media (Facebook, Instagram, Twitter) in Afrikaans deelneem deur ’n video te maak waarin hulle op kreatiewe manier spog met hulle talente. Die video moet dan opgelaai en Afrikaans.com ge-‘tag’ word. Jy kan ’n gedig lees, ’n liedjie sing, jou beste danspassies uithaal, kletsrym, jou storie vertel ... wat ook al jou droom – deel dit met ons en staan die kans om as wenner R10 000 in jou droom te belê.

Hoe die wenner bepaal sal word

Die beoordelaars sal drie inskrywings wat ons verras, kies waarna die drie deelnemers gevra sal word om te laat weet hoe hulle dink die R10 000 gebruik kan word om ‘n stappie nader aan hulle droom te kom. Die algehele wenner kry die kans om te kies wat die prys moet wees … ‘n kitaar, 'n rekenaar, kort musiek - of skryfkursus ... waarna Afrikaans.com die geld beskikbaar stel en namens die wenner spandeer. Klik hier vir die kompetisiereëls

Voorbeelde van inskrywings:

https://www.youtube.com/watch?v=jXRPqyds-ao
https://www.youtube.com/watch?v=o2CW3QC9g4Q
https://www.youtube.com/watch?v=310inTgV36E

Lees meer oor ons muurkunsprojek...